مہاراشٹرکے ضلع اورنگ آباد میں پانی کی قلت روز بروز بڑھتی جا رہی ہے۔ یہاں بارش نہ ہونے کہ وجہ سے لوگوں کو بے حد مشکلات کا سامنا ہے۔
خیال رہے کہ گذشتہ کچھ مہینوں سے اورنگ آباد شہر کے مختلف علاقوں میں لوگ پینے کا پانی خریدنے پر مجبور ہیں۔
لوگوں کا کہنا ہے کہ علاقے میں نل کی پائپ لائن تو ہے لیکن اس میں پانچ سے چھ دنوں میں محض ایک بار ہی پانی آتا ہے۔ میونسپل کارپوریشن نل ٹیکس تو لیتی ہے لیکن پینے کا پانی فراہم نہیں کرتی ہے۔
وہیں کچھ دیگر علاقے کے لوگوں نے کہا ہے ان کے علاقے میں میونسپل کارپوریشن کی پائپ لائن تک موجود نہیں ہے جس کی وجہ سے انہیں ٹینکر سے پانی خرید کر پینا پڑ رہا ہے۔
ان کا کہنا ہے کہ وہ ایک ڈرم پانی کے ٹینکر کیلئے مہینے کے گیارہ سو روپیے جمع کرتے ہیں اس کے باوجود انہیں پانی نہیں مل پا رہا ہے۔ اسی وجہ سے وہ اورنگ آباد میں واقع سڈکو پانی کی ٹنکی کے آفس پر احتجاج کرنے کو مجبور ہیں۔