این آر سی اور این پی آر کے خلاف پلیٹ فارم کی تشکیل

شہریت ترمیمی قانون ، این آر سی اور این پی آر کے خلاف فیصلہ کن تحریک چلانے کے لئے ملک گیر سطح پر ایک اتحادی پلیٹ فارم قائم کیا گیا ہے۔

الائنس اگینسٹ سی اے اے این آر سی اور این پی آر نام دیا گیا ہے اور مہاراشٹر بھی اس الائنس کا حصہ بنا چکا ہے۔

الائنس کے ذمہ داران نے ریاست مہاراشٹر کے ضلع اورنگ آباد میں ایک پریس کانفرنس کے ذریعے اس کا اعلان کیا۔

ذمہ داران کا کہنا ہیکہ سی اے اے ختم کر نے کے لیے حکومت کے خلاف اقوام متحڈہ کا دروازہ بھی کھٹکھٹایا جائے گا۔

الائنس کے ذمہ داران کے مطابق سی اے اے کو مسلم مخالف ہونے کا گمراہ کن پروپگنڈہ کیا جارہا ہے جبکہ اس قانون سے تقریباً 60 فیصد سے زائد ہندو طبقہ کے لوگ بھی متاثر ہوں گے اس لیے اس کے خلاف تحریک چلائی جائے گی اور تمام ریاستوں کی پارٹیوں کے رہنماؤں کو بھی اعتماد میں لیا جائے گا۔