آرمی چیف کے بیان کی سیاسی رہنماؤں نے مذمت کی

شہریت ترمیمی قانون کے خلاف جاری احتجاج پر تبصرہ کرتے ہوئے بپن راوت نے کہا کہ 'رہنما وہ نہیں ہے جو لوگوں کی 'نا مناسب' طریقے سے رہنمائی کرے۔ جیسا کہ ہم نے دیکھا ہے کہ بڑے پیمانے پر یونیورسٹیز، کالجز اور طلبا، لوگوں کی رہنمائی کر رہے ہیں اور لوگوں کے ذریعے تشدد اور آتشزنی کے واقعات پیش آ رہے ہیں، یہ قیادت نہیں ہے۔'

اس پر کل ہند مجلس اتحادالمسلمین کے سربراہ اسدالدین اویسی نے اپنا رد عمل ظاہر کرتے ہوئے کہا کہ 'آرمی چیف نے جو بھی بات کہی ہے، وہ کہہ کر مودی حکومت کمزور قرار دے رہے ہیں۔'

انہوں نے کہا کہ 'اگر آرمی چیف نے جو بات کہی ہے وہ سچ ہے تو حکومت سے پوچھنا چاہتا ہوں کہ ہمارے وزیر اعظم مودی اپنے ویب سائٹ پر لکھتے ہیں کہ ایمرجنسی کے دور میں انہوں نے بطور طالب علم حصہ لیا تھا تب بھی طلبا نے ایمرجنسی میں حصہ لیا تھا تو ان کے بیان کے مطابق وہ بھی غلط ہے۔'

انہوں نے کہا کہ 'ان کے بیان سے حکومت کی بے عزتی ہو رہی ہے۔'

انگریس کے سینیئر رہنما دگ وجے سنگھ نے کہا کہ 'میں جنرل صاحب کی بات سے اتفاق کرتا ہوں لیکن رہنما وہ بھی نہیں ہوتا ہے جو اپنے حامیوں کو فرقہ وارانہ تشدد اور نسل کشی کی اجازت دیتا ہے۔ کیا آپ مجھ سے تفاق کرتے ہیں جنرل صاحب؟'