نماز تراویح گھر میں ہی ادا کرنے کی اویسی کی مسلمانوں سے اپیل

کورونا وائرس کے بحران کے دوران ماہ مقدس رمضان کی ٓآمد ہوا چاہتی ہے، اس کے پیش نظر مجلس اتحادالمسلمین کے صدر اور رکن پارلیمان اسدالدین اویسی نے مسلمانوں سے تراویح کی نماز اپنے گھروں میں ہپی ادا کرنے کی اپیل کی ہے۔

اسدالدین اویسی نے ایک ٹویٹ پیغام میں کہا کہ جامعہ نظامیہ کے ایک بیان میں حیدرآباد کے مفتیان اور علمائے کرام نے اپیل کی ہے کہ آنے والے ماہ مقدس کے دوران لوگ گھر میں ہی تراویح کی نماز ادا کریں، بیشک یہ احکامات نہ صرف ریاست تلنگانہ اور آندھرا پردیش کے لیے ہیں بلکہ ملک گیر سطح پر ان پر سختی سے عمل کیا جانا ہے'۔

غور طلب ہے کہ کورونا وائرس کے پھیلاو کو کم کرنے کے لیے ملک بھر میں کسی بھی مذہبیئ مقامات پر جمع ہونے یا کسی مذہبی تقریب کے انعقاد پر پابندیاں ہیں، اس کی خاص وجہ یہ ہے کہ لوگوں کے اکٹھا ہونے کی صورت میں کورونا وائرس کے پھیلاو کا خدشہ بڑھ جاتا ہے، یہ نہ صرف مسلمانوں کے مذہبی تقریبات پر پابدنیاں ہیں بلکہ دیگر مذاہب میں ان احکامات کا اطلاق لازمی ہے۔

راوں ماہ میں شب برآت کے موقعے پر سبھی مسلمانوں کو گھروں میں ہی رہ کر عبادات ومناجات کرنے کی اپیل کی گئی تھی، اس کے علاوہ دیگر مذاہب کے لوگوں کو بھی مذہبی مقامات پر جمع ہونے سے منع کیا گیا ہے۔