امت شاہ سے آئی ا یل پی نافذ کرنے کی اپیل

میگھالیہ کے وزیر اعلی کونراڈ سنگما نے مرکزی وزیر داخلہ امت شاہ سے شہریت (ترمیمی) قانون 2019 کی منظوری کے خلاف عوامی بدامنی کو دیکھتے ہوئے ریاست میں اندرونی لائن پرمٹ (آئی ایل پی ) کو لاگو کرنے کی اپیل کی ہے۔

ریاست میگھالیہ میں تشدد بھڑکنے کے بعد شیلانگ شہر کے ایک حصے میں کرفیو نافذ ہے۔

افواہوں کو روکنے کے لئے ریاست بھر میں موبائل انٹرنیٹ خدمات معطل ہیں۔

سنگما اپنے کابینہ وزراء، اسمبلی اسپیکر میٹ باه لنگدوه اور حکمران میگھالیہ ڈیموکریٹک اتحاد کے رہنماؤں کے ساتھ جمعہ کی رات نئی دہلی میں مسٹر شاہ سے ملاقات کی۔
وزیر اعلی کے دفتر کی جانب سے جاری ایک بیان میں کہا گیاکہ 'وزیر داخلہ نے وفد کی طرف سے اٹھائے گئے تمام مسائل کو سنجیدگی سے لیا اور جلد سے جلد ان معاملات پر کارروائی کرنے پر رضامندی ظاہر کی'۔