کورونا وائرس نے پوری دنیا کو خوف کے سائے میں لے لیا ہے۔ اس وائرس کی وجہ سے ملک میں بڑی تعداد میں جانیں جا چکی ہیں۔ چین سے شروع ہوا یہ وائرس رفتہ رفتہ پوری دنیا میں پھیل گیا اور انسانی جانوں میں اپنا نوالہ بناتا گیا۔
عالم یہ ہے کہ امریکہ، اٹلی اور چین جیسی ملک کی بڑی طاقتیں اس وائرس کی وجہ سے بے بس نظر آرہی ہیں۔
اس وائرس پر قابو پانے کے لیے تمام ممالک پوری کوشش میں لگے ہیں۔ ملکوں کو لاک ڈاؤن کیا جا رہا ہے۔ بھارت بھی لاک ڈاؤن کے دور سے گزر رہا ہے۔ حکومت کو بھی کورونا وائرس کے خطرات کا پوری طرح سے اندازہ ہے۔اسی لیے لاک ڈاؤن کرکے بھیڑ کم کرنے کی کوشش ہو رہی ہے تاکہ کورونا وائرس کو روکا جا سکے۔
مسجدوں میں نماز ادا کرنے کے لیے نمازی بھی اب اکیلے ہی اپنے گھروں میں نماز ادا کر رہے ہیں۔ ملک میں تمام علماء کرام بھی جمعہ کی نماز اپنے گھر میں ہی ادا کرنے کی اپیل کر رہے ہیں۔ حالانکہ مسجدوں میں نماز ہوگی لیکن تعداد بہت کم ہوگی۔ محض امام مؤذن اور مسجد سے منسلک ایک دو لوگ ہی مسجد میں نماز ادا کریں گے ۔
صرف بھارت ہی نہیں بلکہ پوری دنیا میں علماء کرام جمعہ کی نماز مسجد میں ادا کرنے کے بجائے گھر پر نماز پڑھنے کی اپیل کر رہے ہیں۔
