سرکاری اسکولز کے کھانے کے معیار میں تبدیلی

جنوبی ریاست آندھرا پردیش میں وائی ایس جگن موہن ریڈی کی حکومت نے طلبا کے لیے اسکولز میں دوپہر کے کھانے کے مینو میں تبدیلی کی ہے اور کھانے کے معیار میں غیر معمولی بہتری کی ہے۔

وزیراعلی جنہوں نے اپنے بچوں کو اسکول بھیجنے والی ماوں کیلئے مالی امداد کی اسکیم”اماں ووڈی“(ماں کی گود)کا آغاز9جنوری کو کیا تھا، نے اسکولز میں بچوں کو فراہم کئے جانے والے دوپہر کے کھانے کے مینو میں صحت مند غذا کی فراہمی کا وعدہ کیا تھا۔

عہدیداروں کو ہدایت دی گئی ہے کہ وہ اس خصوص میں مناسب انتظامات کرے۔ نئے مینو پر 21جنوری سے عمل ہوگا جو اس طرح ہے: پیر۔ چاول، دال، انڈاکری

منگل ۔ پُلی ہارا، ٹماٹر دال،انڈا

بدھ ۔ سبزی چاول،انڈاکری،انڈہ

جمعرات۔ کھچڑی، ٹماٹر کی چٹنی، انڈا

جمعہ چاول، لیف ویجیٹیبل کری اور انڈا

ہفتہ ۔ چاول سانبر، پونگلی۔ علاوہ ازیں مارکٹ میں ضروری اشیا کی قیمتوں میں اضافہ کے پیش نظر حکومت نے اس اسکیم پر عمل کیلئے مختلف ایجنسیوں کے فنڈس میں اضافہ کردیا ہے۔

دوسری طرف حکومت نے پکوان کرنے والی ایجنسیوں کے اعزازیہ میں بھی اضافہ کردیا ہے۔قبل ازیں ان کو ایک ہزار روپے دیئے جاتے تھے جس میں اضافہ کرتے ہوئے اس کو تین ہزار روپئے کردیاگیا۔