'خواجہ غریب نواز کی شان میں گستاخی ناقابلِ برداشت'

ریاست کرناٹک کے ضلع یادگیر کے معروف عالم دین مولانانظام الدین برکاتی نے نجی نیوز چینل کے اینکر کی شدید الفاظ میں مذمت کی ہے۔

مسجد صدر دروازہ یادگیر کے امام و خطیب مولانا نظام الدین برکاتی نے ای ٹی وی بھارت سے بات کرتے ہوئے کہا کہ اینکر کی جانب سے حضرت خواجہ غریب نواز کی شان میں کی گئی گستاخی کی ہم مذمت کرتے ہیں۔

مولانا نے کہا کہ خواجہ غریب نواز کو ماننے والوں میں تمام مذاہب کے لوگ شامل ہیں۔

ملک کا کوئی ایسا آدمی نہیں ہوگا جو ان سے عقیدت نہیں رکھتا ہو۔

عام آدمی ہوں یا پھر ملک کے کسی بھی سیاسی پارٹی کے قائدین ہر ایک بھارتی کو حضرت خواجہ غریب نواز سے بے حد عقیدت اور لگاؤ ہے۔

تاہم جس طرح سے ایک اینکر نے حضرت خواجہ غریب نواز کی شان میں گستاخی کی ہے۔

اس اینکر کے خلاف قانونی کارروائی کی جانی چاہئے۔

ہم حکومت سے اپیل کرتے ہیں کہ ملک کی گنگا جمنی تہذیب کو بگاڑنے والوں کے خلاف حکومت سخت اقدامات کئے جائیں ۔