کانگریس کے سابق صدر راہل گاندھی نے مودی حکومت کے خلاف کسانوں سے متحد ہونے کی اپیل کرتے ہوئے مودی حکومت سے کسانوں کو غلامی کی زنجیر میں جکڑنے والے زرعی بلز کو واپس لینے کا مطالبہ کیا۔
راہل گاندھی کے ہفتے کے روز جاری ہونے والے ایک بیان میں کہا کہ "ملک کے کسانوں پر حملہ تیزی سے جاری ہے، سب سے پہلے تو نوٹ بندی، پھر جی ایس ٹی اور پھر کورونا وائرس کے وقت ان کو ایک روپیہ کی بھی مدد نہیں دی گئی۔ کسانوں کو مارنے کی کوششیں کی جارہی ہیں اور انہيں کارپوریٹز کا غلام بنایا جارہا ہے"۔
انہوں نے کسانوں سے کہا کہ "اب یہ تینوں خوفناک بلز، آپ کو ختم کرنے کے لیے لائے گئے ہيں۔ یہ آپ کے پیر پر کلہاڑی مارنے کے قوانین ہیں۔ ہم آپ کے ساتھ کھڑے ہیں اور ہم ان بلز کو روکیں گے، ساتھ مل کر ہم انہيں روکیں گے"۔