انل امبانی کا ٹیکس معاف کرانے کے لیے رفائل سودا کیا گیا: کانگریس

کانگریس پارٹی کے سینئر رہنما پرمود تیواری نے آج لکھنؤ میں کانگریس پارٹی کے دفتر میں صحافیوں سے گفتگو کے دوران کہا کہ رفائل ڈیل سے انل امبانی کا 14 کروڑ یورو سے زیادہ ٹیکس ادا ہوا ہے۔

پرمود تواری نےکہا کہ انلامبانی کا فرانس میں ایک کمپنی پر15.1 کروڑ یورو ٹیکس باقی تھا۔ یہ ٹیکس 2007 سے 2010 کے وقفے کا تھا جسے انل امبانی کی کمپنی کو ادا کرنا تھا۔

گذشتہ برس جب وزیر اعظم نریندر مودی نے فرانس کے ساتھ 36 رفائل جیٹ کا سودا کیا تب انلامبانی کی کمپنی ریلائنس کمیونیکیشن کا 14.37 کروڑ یورو ٹیکس معاف کر دیا گیا اور انل امبانی کی کمپنی نے صرف 75 لاکھ یورو دے کر معاملہ رفع دفع کر لیا۔

یہی وجہ ہے کہ بی جے پی نے انل امبانی کو فائدہ پہنچانے کے لیے ملک کو خطرہ میں ڈال دیا اور فرانس کے ساتھ 36 رفائل کا سودا کیا تھا۔