علی گڑھ مسلم یونیورسٹی کی موسم سرما کی تعطیلات 13جنوری کو ختم ہورہی ہیں۔
یونیورسٹی کے وائس چانسلر کو یہ ڈر ہے کہ یونیورسٹی کھلنے کے بعد باہر کے لوگ یونیورسٹی کے طلبا کے ساتھ شامل ہوکر یونیورسٹی کا ماحول خراب نہ کر دے۔
وائس چانسلر پروفیسر طارق منصور نے اپنے خط میں طلبا سے کسی بھی طرح کے ڈر کا ذکر بھی نہیں کیا۔
علی گڑھ مسلم یونیورسٹی ممبر انچارج پروفیسر شافع قدوائی نے بتایا کہ 'علی گڑھ مسلم یونیورسٹی کے وائس چانسلر پروفیسر طارق منصور نے علی گڑھ انتظامیہ کے علاوہ ریاست اترپردیش اور مرکزی حکومت کو خبر کی ہے کہ علی گڑھ مسلم یونیورسٹی 13 تاریخ سے کھلنے والی ہے۔ انہوں نے خط میں لکھا ہے کہ طلبا، ہمارے بیٹے اور بیٹیوں کی طرح ہیں لیکن جو لوگ باہر سے آجاتے ہیں اس سے یونیورسٹی کو خطرے کا خدشہ ہے۔'
وائس چانسلر نے وزیر داخلہ کو بھی لکھا ہے، پولیس، ڈی ایم کو بھی کاپی بھیجی ہے اور یہ لکھا ہے یونیورسٹی کھلنے والی ہے، سماج کے دشمن باہر کے لوگوں پر نظر رکھنے کی ضرورت ہے۔
طلبا کا نام تو دور کی بات ہے ان کا ذکر بھی نہیں کیا بس یہ لکھا ہے یہ جو جو اینٹی شوشل ایلیمنٹ ہے ان پر نظر رکھنے کی ضرورت ہے اور یہی یونیورسٹی کی حفاظت کو خطرہ ہے۔