اے ایم یو: 10 جولائی سے فاصلاتی تعلیم کے آن لائن امتحانات

اے ایم یو مرکز برائے فاصلاتی تعلیم کے ڈائریکٹر پروفیسر محمد نفیس احمد انصاری نے بتایا ہے کہ 'طلبا و طالبات ڈیکس ٹاپ، لیپ ٹاپ اور موبائل کے ذریعہ امتحان میں شامل ہو سکتے ہیں'۔

عالمی شہرت یافتہعلی گڑھ مسلم یونیورسٹی (اے ایم یو) کا مرکز برائے فاصلاتی تعلیم، تعلیمی سال 2019-20 کے لیے 10 جولائی 2020 سے آن لائن امتحانات شروع کرنے جا رہا ہے۔

اے ایم یو مرکز برائے فاصلاتی تعلیم کے ڈائریکٹر پروفیسر محمد نفیس احمد انصاری نے بتایا کہ 'پی جی ڈپلومہ، سرٹیفکیٹ کورسیز اور بی ایل آئی ایس کے 700 طلبا و طالبات کیوریو (QURIO) آن لائن امتحان سسٹم کے ذریعے امتحان میں شامل ہوں گے'۔

پروفیسر محمد نفیس احمد انصاری نے بتایا ہے کہ 'طلبا کے لئے فی الوقت ماک امتحان کرایا جارہا ہے تاکہ اصل امتحان کے وقت انہیں کوئی دشواری نہ ہو'۔

انھوں نے بتایا ہے کہ 'طلبا و طالبات امتحان کے شیڈول اور رہنما ہدایات کو مرکز کی ویب سائٹ https://creamy.ac.in پر دیکھا جا سکتا ہے'۔

آخر میں انھوں نے کہا ہے کہ 'کسی سوال کے لیے طلبا مرکز برائے فاصلاتی تعلیم سے بذریعہ ای میل رابطہ کر سکتے ہیں'۔