جسٹس ارون کمار مشرا اور جسٹس اودے امیش للت کی بنچ کا یہ حکم اس وقت آیا جب اسے ای ڈی نے بتایا کہ جے پی مارگن کے کھاتوں میں 187 کروڑ روپے ہیں، جو امرپالی میں ہوئے غبن سے وابستہ ہیں۔
اس کے بعد بنچ نے انفورسمنٹ ڈائریکٹوریٹ کو جے پی مارگن کی جائیداد قرق کرنے جیسے کارروائی کی اجازت دے دی۔
امرپالی کے نامکمل پروجیکٹ کے سلسلے میں ہونے والی سماعت میں عدالت نے مرکزی حکومت سے نیشنل بلڈنگ کنسٹرکشن کارپوریشن (این بی سی سی) کو 500 کروڑ روپے کا فنڈ دینے اور جی ایس ٹی میں 1000 کروڑ روپے کی رعاعت پر غور کرنے کے لئے کہا ہے۔
واضح رہے کہ پروجیکٹ پورے کرنے کی ذمہ داری این بی سی سی کو سونپی گئی ہے۔ معاملے کی سماعت کے دوران امرپالی کی جائیداد کی فروخت سے فنڈ حاصل کرنے سے متعلق بھی بحث ہوئی۔
