مرکزی وزیر داخلہ امیت شاہ نے ٹویٹ کرتے ہوئے کوویڈ 19 جیسی خطرناک وبا پر کام کرنے والے افسران کی سراہنا کی اور انھیں بہادر اور جنگجو قرار دیا۔
امت شاہ نے کہا کہ 'بحران کے اس وقت میں پورا ملک وزیراعظم نریندر مودی کی قیادت میں اس وبا کے خاتمے کی لڑائی لڑرہا ہے جس میں کورونا جنگجو سب سے آگے ہیں اور میں انھیں سلام پیش کرتا ہوں.'
مرکزی وزیر داخلہ نے کہا کہ ان جنگجووں کی خدمات کا تنیجہ مستقبل کی انسانیت پر پڑے گا۔ اور دبارہ ملک کے حالات اچھے ہونگے۔
انھوں نے کہا کہ ڈاکٹرز،نرسیز،پارامیڈیکز،سانیٹیشن ورکرز پولیس اور اشیائے ضروریہ فراہم کرنے والے ورکرز،بینک اسٹاف اور سرکاری ملازمین خود کو جوکھم میں ڈال کرلوگوں کے تحفظ کا کام کررہے ہیں۔
مرکزی وزیر صحت کے مطابق بھارت میں اب تک 5194 کیسز ہوچکے ہیں، 4643 تازہ کیسز ہیں جبکہ 401 صحتیاب ہوئے ہیں، اور اس مرض میں مبتلا ہوکر مرنے والے افراد کی تعداد 149 ہوچکی ہے۔
