ایمس کے ڈاکٹر موہت سنگلا نے خودکشی کرلی

آل انڈیا انسٹی ٹیوٹ آف میڈیکل سائنسز( ایمس) کے ایک ڈاکٹر نے جنوبی دہلی کے گوتم نگر میں اپنے گھر میں پنکھے سے لٹک کر خودکشی کرلی۔

پولیس افسر نے جمعہ کے روز بتایا کہ سہ پہر 03:10 منٹ پر حوض خاص پولیس کو گوتم نگر میں ایک بند کمرے سے بدبو آنے کی اطلاع ملی۔ موقع پر پہنچی پولس نے دیکھا کہ ایک شخص پنکھے سے لٹکا ہوا تھا اور گھر اندر سے بند تھا اور لاش سے سڑنے کی بدبو آرہی تھی۔

انہوں نے کہا کہ لاش کی شناخت ڈاکٹر موہت سنگلا کے طور پر ہوئی ہے۔ وہ ایمس کے پیڈیاٹرکس محکمہ میں تھے اور آخری مرتبہ منگل کے روز ڈیوٹی پر آئے تھے۔ حکام کے مطابق چنڈی گڑھ کے پنچکولا کے ڈاکٹر موہت 2006 سے تنہا رہ رہے تھے۔ پولس معاملہ کی جانچ کررہی ہے۔