تمام ریاستیں کورونا مریضوں کو ایمبولنس دستیاب کرانا یقینی بنائیں: سپریم کورٹ

سپریم کورٹ نے تمام ریاستوں کو کورونا وائرس کے مریضوں کوجانچ اور علاج کے پیش نظر اسپتال پہنچنے کے لیے مناسب تعداد میں ایمبولنس کی دستیابی یقینی بنانے کی ہدایت دی ہے۔

جج اشوک بھوشن کی صدارت والی بنچ نے اس بارے میں داخل عرضی کی سماعت کرتے ہوئے کورونا مریضوں کے لیے ایمبولنس کے ذریعہ ٹرانسپورٹ سہولت دستیاب کرانے سے متعلق حکام کو ہدایت دی۔

سماعت کے دوران بنچ نے کہا کہ مرکزی حکومت کی طرف سے جاری مشورہ کے مطابق کورونا وبا سے نپٹنے کی ریاستی حکومتیں پابند ہیں۔ عدالت نے کہا کہ کورونا وبا کی موجودہ صورتحال کافی تشویشناک ہے۔

عدالت نے کہا کہ ہم تمام جانتے ہیں کہ شروعات میں ہی علاج نہایت ضروری ہے۔ اس کے مد نظر مریضوں کو لے جانے کے لیے ایمبولنس ضروری ہے۔

تمام ریاستیں ہر ایک ضلع میں کورونا مریضوں کی مدد کے لیے اسپتال میں ایمبولنس کی سہولت یقینی بنائیں۔