مالیگاؤں کی فلموں کے ڈائریکٹر کی عوام سے گھروں میں رہنے کی اپیل

پورے بھارت میں کورونا وائرس کے خوف کی وجہ سے لوگوں کو گھروں رہنے کی اپیل کی جارہی ہے۔ بالی ووڈ کی تمام فلمی شخصیات کی جانب سے بھی عوام کو اپنے گھروں میں محظوظ رہنے کی اپیل کی جارہی ہے۔

ریاست مہاراشٹر کے شہر مالیگاؤں کے معروف اداکار اور خاندیشی فلموں کے ڈائریکٹر اکرم خان نے ای ٹی وی بھارت کے ذریعے اپنے مداحوں اور عوام کی کورونا وائرس حفاظت کے لیے گھروں میں محظوظ رہنے کی اپیل کی۔

اکرم خان نے کہا کہ انھوں نے زندگی کے زیادہ تر ایام مالی ووڈ سے لیکر بالی ووڈ کی فلموں میں بطور اداکار، ڈائریکٹر، سنگر اور ہر طرح کا کام گھر سے باہر رہ کر کیا لیکن فی الحال وہ اپنی فیملی کے ساتھ وقت گزار رہے ہیں اور بہت خوش ہیں کہ اتنی مصروفیت کے بعد اب انھیں اپنے گھر والوں کے ساتھ زیادہ وقت گزارنے کا موقع ملا۔

انھوں نے یہ بھی کہا کہ کورونا وائرس سے لڑنے کے لیے ضروری ہے احتیاط اور وہ بہت آسان ہے گھر میں رہا جائے اور دوسروں کو بھی گھروں میں رہنے کی نصیحت کی جائے۔

اکرم خان نے مزید کہا کہ 'آج ہمارے ہیرو پولس اور ڈاکٹر حضرات ہیں جو ہمارے کے لیے خود کی پرواہ نہ کرتے ہوئے گھروں سے باہر بے لوث خدمات انجام دے رہے ہیں'۔

اکرم خان نے عوام سے گزارش کی ہے کہ وہ حکومت کے احکامات اور قانون کی پاسداری کریں۔ یہی ایک سچے ہندوستانی شہری ہونے کی دلیل ہے۔