بھٹنڈہ: اکالی رہنما کا قتل

بھٹنڈہ یوتھ اکالی پارٹی کے رہنما کا قتل گذشتہ روز ایک فائیننس کا کام کرنے والے شخص نے کیا تھا۔

ریاست پنجاب کے بھٹنڈہ میں یوتھ اکالی پارٹی کے رہنما سکھنپریت سنگھ کا سنیچر کی رات ہوئے قتل کی وجہ تین لاکھ روپے وصول کرنے کے سلسلے میں تنازعہ تھا جس کے سبب ملزم نے انہیں کی ریوالور سے انہیں گولی مار دیا۔

پولس نے یہ باتیں ملزم کو گرفتار کرنے کے بعد بتائی ہیں۔ سینئر پولس سپرنٹنڈنٹ بھوپندر سنگھ ورک نے یہاں نامہ نگاروں کو بتایا کہ سکھنپریت نے فائننس کا کام کرنے والے سنجے ٹھاکر عرف سمی سے تین سال پہلے تین لاکھ روپے قرض لئے تھے۔

واقعہ کے دن سکھنپریت نے ایک لاکھ روپے واپس کرنے کا وعدہ کیا تھا لیکن وہ صرف چالیس ہزار روپے کا انتظام کرپائے تھے۔جائے واقع پر پہنچنے پر جب اس نے سمی کو رقم دی تو دونوں میں تکرار ہوگئی اور سمی نے سکھنپریت سنگھ کا لائسنسی ریوالور چھین کراس کے سر میں گولی مار کر انہیں قتل کردیا۔پولیس نے بتایا ہے کہ سمی کے پاس سے واردات میں استعمال ہتھیار برآمد کرلیا گیا ہے۔