ابھینندن کے والدین کا پرجوش استقبال

بھارتی فضائیہ کے پائلٹ ابھینندن وردھمان آج پاکستان کی قید سے رہا ہو کر وطن لوٹ رہے ہیں۔

بھارتی فضائیہ کے پائلٹ ابھینندن وردھمان کے والدین ان کو لینے بھارت کے جنوبی شہر چینئی سے بذریعہ فلائٹ جب دہلی پہنچے، تو انکے استقبال کے لیے لوگوں کی بھیڑ جمع تھی۔ انہوں نے تالی بجا کر ان کا استقبال کیا گیا۔ اس کے بعد ابھینندن کے والدین دہلی سے بذریعہ فلائٹ امرتسر کے لیے روانہ ہو گئے۔

پاکستانی وزیراعظم عمران خان نے گزشتہ روز پارلیمان کے مشترکہ اجلاس سے خطاب کرتے ہوئے جذبہ خیر سگالی کے تحت گرفتار بھارتی پائلٹ کو رہا کرنے اعلان کیا تھا۔

پاکستان آج گرفتار بھارتی ونگ کمانڈر ابھینندن وردھمان کو رہا کرے گا۔ ابھینندن کو آج تقریبا دوپہر کو واہگہ بارڈر پر بھارتی ہائی کمیشن کے حوالے کیا جائے گا۔

پاکستانی وزیراعظم نے گزشتہ روز قومی اسمبلی سے خطاب کرتے ہوئے ابھینندن کو رہا کرنے کا اعلان کیا تھا اور کہا تھا کہ یہ قدم دونوں ممالک کے درمیان جذبۂ خیر سگالی کے تحت اٹھایا جا رہا ہے۔

گرشتہ عمران خان کے اعلان سے قبل امریکی صدر ڈونلڈ ٹرمپ نے کہا تھا کہ وہ دونوں ممالک کے درمیان کشیدگی ختم کرنے کی کوشش کر رہا ہے اور دونوں کی جانب سے اچھی خبر آ رہی ہے۔

اس کے بعد پاکستانی وزیرخارجہ شاہ محمود قریشی نے کہا تھا کہ عمران خاں دونوں ممالک کے درمیان امن کی بحالی کے لیے گرفتار بھارتی پائلٹ ابھینندن کی رہائی کا اعلان کر سکتے ہیں۔