امدادی مہم کے لیے ایئر فورس کے 56 طیارے تیار

ایئر فورس نے کہا ہے کہ مغربی بنگال اور اڈیشہ میں سمندری طوفان امفان کی وجہ سے بڑے پیمانے پر تباہی کے بعد اس کے 56 طیارہ اور ہیلی کاپٹر راحت رسانی اور امدادی مہم کے لیے پوری طرح تیار ہیں۔

فضائیہ کے ترجمان نے آج یہاں بتایا کہ اس کے 56 طیاروں اور ہیلی کاپٹروں میں ضرور ت کے مطابق اشیاء کے لئے پھیر بدل کیا گیا ہے تا کہ ان میں سامان اور امدادی سامان لے جایا جا سکے۔ یہ تمام عملے کے ارکان کے ساتھ فضائیہ کے مختلف اسٹیشنوں پر تیار ہیں اور شہری انتظامیہ اور این ڈی آر ایف کے ساتھ تال میل کر رہی ہے۔

خیال رہے کہ مغربی بنگال میں سمندری طوفان امفان کے سبب کافی تباہی ہوئی ہے اور 80 سے زائد افراد مختلف حادثوں میں ہلاک ہوچکے ہیں، وزیراعظم نریندر مودی نے آج سمندری طوفان امفان کے نتیجے میں پیداہوئی صورتحال کا جائزہ لینے کی غرض سے مغربی بنگال کا دورہ کیا اورانہوں نے ہلاک شدگان کے اہل خانہ کے لیے دو لاکھ روپے اور زخم افراد کے لیے ہزار روپے کی یکمشت امداد کا اعلان کیا تھا۔