امیٹھی میں شکست کے بعد راہل گاندھی کا پہلا دورہ

عام انتخابات 2019 میں کراری شکست کے بعد راہل گاندھی پہلی دفعہ اترپردیش کے دورے پر ہیں۔

کانگریس پارٹی کے سابق قومی صدر راہل گاندھی عام انتخابات کے بعد آج پہلی مرتبہ اترپردیش کے دورے پر ہیں۔
لکھنؤ ایئرپورٹ پر کارکنوں نے ان کا زوردار استقبال کیا۔ اس میں یو پی کانگریس پارٹی کے صدر راج ببر بھی شامل رہے۔

واضح رہے کہ راہل گاندھی امیٹھی سے امیدوار تھے، جنہیں بی جے پی کی امیدوار اسمرتی ایرانی نے شکست دے کر سنسنی پھیلا دیا تھا۔راہل گاندھی کا یہ امیٹھی کا پہلا دورہ ہے۔ وہ وہاں کے کارکنان سے بات چیت کرکے آگے کی تیاری کریں گے، تاکہ مستقبل میں پارٹی کو مضبوط بنایا جاسکے.راہل گاندھی کے اس دورہ سے پارٹی کو کتنی مضبوطی ملتی ہے اور کتنے کارکنان پارٹی سے جوڑتے ہیں، یہ تو وقت ہی بتائے گا۔