پڈوچیری، کرائیکل علاقے میں اسکول کھل گئے

مرکز کے زیرانتظام ریاست پڈوچیری اور کرائیکل علاقے میں پیر سے نویں تا 12ویں کلاس کے طلبہ کےلئے اسکول پھرسے کھل گئے۔

عالمی وبا کورونا وائرس کے سبب پورے ملک میں لاک ڈاؤن کے بعد اب رفتہ رفتہ حالات بہتر ہورہے ہیں، مارچ سے اسکول بند رہے اور وزارت داخلہ کی کورونا وائرس لاک ڈٓاؤن 5.0 کی جدید ترین ہدایات کے بعد حکومت نے نویں سے بارہویں کلاس کے طلبہ کےلئے آٹھ اکتوبر سے اسکولوں کو کھولنے کا اعلان کیا تھا۔

اس کے مطابق آج سے نویں اور گیارہویں کلاسوں کےلئے اسکول کھولے گئے۔ حالانکہ ،طلبہ کے اسکول آنے پر خدشہ ظاہرکیا جارہا تھا جبکہ سرکاری اسکولوں میں 85 فیصد سے زیادہ طلبہ اسکول آئے۔ جبکہ پرائیویٹ اسکولوں میں طلبہ کی تعداد کم دیکھی گئی۔حالانکہ اے آئی اے ڈی ایم کے رکن اسمبلی کے رہنما اے امبجھاگن کے ذریعہ تحریک کے بعد اپپلام پارلیمانی حلقے میں اسکول بند رہے۔

مرکز کے زیرانتظام علاقے کے اسکولوں میں منگل ،جمعرات اور ہفتے کو دسویں اور بارہویں کلاسوں کے طلبہ آئیں گے اور نویں اور تگیارہوں کے طلبہ پیر ،بدھ اور جمعہ کو اسکول آئیں گے۔نویں اور گیارہویں کے طلبہ ماسک لگاکر اور اپنے گارجین کی اجازت کے ساتھ اسکول میں حاضر ہوئے۔ اسکولوں میں داخل ہونے سے پہلے طلبہ کا درجہ حرارت جانچا گیا اور انہیں سینیٹائزر مہیا کرائے گئے۔