کورونا بیئر کا موازنہ کورونا وائرس سے کرنا غلط: دہلی ہائی کورٹ

دہلی ہائی کورٹ نے کورونا بیئر کو کورونا وائرس سے تشبیہ دینے والے اشتہارات کی اشاعت پر پابندی عائد کرنے کا حکم دیا ہے۔

یہ حکم جسٹس راجیو شک دھر کے سنگل بنچ کی عدالت نے منظور کیا ہے۔

کورونا بیئرمیکسیکو کی ایک کمپنی تیار کرتی ہے، اس کا نام سیوریسیریا ماڈلو ڈی میکسیکو (ایس ڈی آر ایل ڈی سی وی) ہے ۔

کوونا بیئر دنیا کے 180 ممالک میں فروخت کی جاتی ہے۔

دہلی میں کورونا بیئر کے سابق تقسیم کار ’وہسکی اسپرٹس پرائیویٹ لمیٹڈ‘ پر الزام ہے کہ اس نے کورونا بیئر کو کورونا وائرس سے تشبیہ دی ہے۔ اور فیس بک پر کورونا بیئر کا موازنہ کوروناوائرس سے کیا ہے۔

عدالت کا کہنا ہے کہ اس قسم کا اشتہار تجارتی مفاد کے لیے خطرناک ہے۔ اس لیے اس قسم کا موازنہ کرنا بالکل غلط ہے۔

عدالت نے ہدایت کی ہے سوشل میڈیا پلیٹ فارم سمیت کسی بھی میڈیا یا پلیٹ فارم پر اس قسم کے اشتہارات کو بند کر دیا جائے۔