اداکارہ میرا کو تلگو فلم اداکار جونیر این ٹی آر کے مداحوں سے ہراسانی کی شکایت تلنگانہ کے وزیر انفارمیشن ٹکنالوجی کے تارک راما راو نے ریاست کے ڈی جی پی اور کمشنر پولیس حیدرآباد سے پر کارروائی کرنے کی خواہش کی ہے۔
اداکارہ نے اس خصوص میں راو کو کئے گئے اپنے شکایتی ٹوئیٹ میں کہا کہ 'ان کو جنسی زیادتی، ایسڈ حملہ، بدکلامی اورنکتہ چینی کا سامنا ہے'۔
اداکارہ نے اس سلسلہ میں ان سے کی گئی بدکلامی کے ٹوئیٹس بھی تارک راما راو کو بھیجے۔
اس شکایتی ٹوئیٹ پر فوری ردعمل ظاہر کرتے ہوئے وزیرموصوف نے کہا کہ 'انہوں نے پولیس سربراہ اور کمشنر پولیس سے کارروائی کی خواہش کی ہے'۔
یہ سارا معاملہ اس وقت شروع ہوا جب اس اداکارہ نے ٹوئیٹر پر اپنے مداحوں کے سوالات کے جوابات دیئے کا سیشن رکھا۔
اس سیشن کے دوران ان کے ایک مداح نے ان سے سوال کیا کہ ان کا پسندیدہ اداکارہ کون ہے؟ جس پر اداکارہ نے مشہور تلگو اداکارمہیش بابو کا نام لیا۔ اس پر ایک اور مشہو راداکار جونیر این ٹی آر کے مداح برہم ہوگئے۔ جو بدکلامی پر مبنی بڑے پیمانہ پر ٹوئیٹس شروع کردیئے۔
اس پر برہم اداکارہ نے پولیس سے شکایت کی۔ قومی خواتین کمیشن نے بھی اس معاملہ پر ردعمل ظاہر کرتے ہوئے کہا کہ 'سائبر سل نے اس خصوص میں شکایت درج کرلی ہے'۔
اداکارہ نے اب تلنگانہ کے وزیر انفارمیشن ٹکنالوجی کو یہ شکایتی ٹوئیٹ کیا۔ انہوں نے کہا کہ 'حیدرآباد پولیس نے ایف آئی آر درج کی ہے'۔
انہوں نے امید ظاہر کی کہ خواتین کی سلامتی کے لئے اس معاملہ کی جامع جانچ کی جائے گی۔
