کرناٹک ضمنی انتخابات کے نتائج پر ایک نظر

پانچ دسمبر کو ریاست میں ہوئے انتخابات کے آج نتائج ہیں اور ووٹوں کی گنتی جاری ہے۔ کُل 15 اسمبلی حلقوں میں ہوئے ان انتخابات کے ووٹوں کی گنتی 11 مختلف مراکز میں ہورہی ہے۔

ان انتخابات میں ریاست بھر میں یہ نعرہ عام رہا کہ عوام کو دھوکہ دینے والے سابق ارکان اسمبلی کو سبق سکھائیں۔

غور طلب ہے کہ شہر بنگلور کے مسلم اکثریتی حلقہ شیواجی نگر میں کانگریس کے امیدوار رضوان ارشد نے 35000 ہزار ووٹ حاصل کیے ہیں۔

اور تقریباً 18 ہزار ووٹوں سے آگے ہیں جب کہ گنتی کے 9 راؤنڈز مکمل ہوچکے ہیں۔

بھارتیہ جنتا پارٹی کے امیدوار شراون دوسرے نمبر پر ہیں جب کہ ایس ڈی پی آی کے امیدوار عبد الحنان نے تقریباً 3000 ووٹ حاصل کیے ہیں۔

شیواجی نگر کے انتخابات دلچسپ اس لیے رہے کہ دو مرتبہ پارلیمانی انتخابات میں شکست کھائے ہوئے لیڈر رضوان ارشد ہی کو کانگریس نے پھر ٹکٹ دیا تھا، جب کہ کانگریس پارٹی ہی میں اس کی سخت مذمت ہورہی تھی اور اس حلقہ کے انتخابی میدان میں ایس ڈی پی آی کا اپنا امیدوار اتارنا کانگریس کے لیے ایک بڑے چیلینج کے طور پر دیکھا جارہا تھا۔