سپریم کورٹ کے احاطے میں وکلا نے آئین کی تمہید پڑھی

شہریت ترمیم قانون (سی اے اے)، قومی شہریت رجسٹر (این آر سی) اور حالیہ واقعات کے پیش نظر وکیلوں کے ایک گروپ نے 7 جنوری2020 کو آئین کی تمہید پڑھی۔

سینئر وکیل کامنی جیسوال، سابق مرکزی وزیر سلمان خورشید، سنجے پاریکھ اور پرشانت بھوشن کی قیادت میں وکیلوں کے ایک گروپ نے سپریم کورٹ کے احاطے میں جمع ہو کر آئین کی تمہید پڑھی۔

تمہید پڑھنے کا مقصد یہ بتانا تھا کہ ملک میں سب کچھ ٹھیک نہیں چل رہا ہے۔

وکیلوں نے کسی طرح کی کوئی نعرے بازی نہیں کی۔ وکیلوں کے ذریعہ آئین کی تمہید پڑھنے کا مقصد آئینی اقدار اور اصولوں کو یاد کرنا ہے۔