جہاز کو ہائیجیک کی دھمکی پر عمر قید

این آئی اے کی خصوصی عدالت نے جہاز کو اغوا کی دھمکی دینے والے ایک تاجر برجو سلا کو عمر قید کی سزا کے ساتھ ساتھ 5 کروڑ روپے کا جرمانہ عائد کیا ہے۔

یہ واقعہ سنہ 2017 کے اکتوبر میں پیش آیا۔

جج کے مطابق یہ رقم ان تمام متاثرین کو دی جائے گی جنہیں اس دھمکی کے سبب مشکلات سے دوچار ہونا پڑا، جن میں سے جہاز کے عملے کے ساتھ ساتھ مسافرین بھی ہیں۔

برجو سلا پر الزام ہے کہ انہوں نے ٹشو پیپر پر جہاز کو اغوا کرنے کی دھمکی دی۔

اس اعتبار سے، اینٹی ہائیجیکنگ ایکٹ 2016 کے تحت اس نوعیت کی سزا پانے والے یہ پہلے شخص ہوں گے۔

برجو سلا نے اردو اور انگریزی میں ہائیجیک نوٹس لکھا تھا، جسے انہوں نے جہاز کے بیت الخلاء میں رکھا تھا۔

انہوں نے یہ لکھا کہ اغوا کرکے جہاز کو پی او کے لے جایا جائے گا۔