غزہ میں مظاہرے کے دوران 96 فلسطینی زخمی

مشرقی غزہ پٹی میں اسرائیلی فوجیوں کے ساتھ جھڑپ کے دوران کم سے کم 96 فلسطینی مظاہرین زخمی ہوئے ہیں۔

غزہ کی وزارت صحت کے ترجمان اشرف الکیدرا نے بتایا کہ مشرقی غزہ پٹی میں 96 مظاہرین زخمی ہوئے ہیں۔ اس میں سے 57 مظاہرین اسرائیلی فوجیوں کی گولی لگنے سے زخمی ہوئے ہیں۔

غزہ پٹی میں جمعہ کو اسرائیل کے خلاف ہونے والے مظاہرہ میں ہزاروں فلسطینیوں نے حصہ لیا۔

قابل ذکر ہے کہ اسرائیل کے خلاف فلسطینیوں نے گزشتہ سال ’ گریٹ مارچ آف رٹرن‘ نام سے شروع ہونے والے اسرائیل کے خلاف جمعہ کو بھی مظاہرہ شروع کیا گیاتھا، یہ احتجاج و مظاہرہ اسی کا حصہ تھا۔