بہرائچ: سڑک حادثے میں 6 افراد ہلاک

بہرائچ - نانپارہ قومی شاہراہ پر سڑک حادثہ میں 6 افراد ہلاک جب کہ تین افراد زخمی ہوگئے۔

بہرائچ سے نانپارہ جا رہی انووا کار مٹیرا کے نزدیک مرلی پور کے پاس ٹائر پھٹ جانے سے بے قابو ہو کر کھائی میں جاگری جس میں سوار باراتیوں میں سے چار کی موت ہوگئی اور دو افراد ہسپتال میں جانبرنہ ہوسکے۔

تین افراد شدید زخمی ہوئے ہیں جن میں سے ایک کی حالت تشویشناک بتائی جارہی ہے۔ اطلاع ملتے ہی بہرائچ پولیس موقع پر پہنچ گئی اور ایمبولینس کی مدد سے زخمیوں کو ہسپتال منتقل کیا گیا۔

اس حادثے میں ہلاک ہونے والوں کی شناخت رام بابو سونی ولد اشوک کمار سونی، شریش کمار ولد پریم چند، وریندر سونی ولد پنا لال، دھرمیندر ولد پنالال اور ارمان کے طور پر ہوئی ہے۔جب کہ سنجے سونی ولد سندر لال، اجے سونی ولد راجو سونی اور نرنکار ولد بنسی دھر زخمی ہوئے ہیں۔

اطلاعات کے مطابق اس کار میں باراتی سوار تھے جو بہرائچ سے نانپارہ جارہے تھے۔ اس حادثے کے بعد شہر میں غم کا ماحول ہے۔