لاک ڈاون کی خلاف ورزی کرنے پر 53 افراد گرفتار

ریاست بہار میں لاک ڈاون کی خلاف ورزی کرنے کی پاداش میں 53 افراد کو گرفتار کیا گیا ہے، اور 416 گاڑیوں کو بھی ضبط کیا گیا ہے، لاک ڈاون کے نفاذ کے بعد سے اب تک ریاست بھر میں 180 افرادکی گرفتاریاں ہو چکی ہیں۔

ایڈیشنل ڈائریکٹر جنرل آف پولیس جتیندر کمار نے میڈیا سے بات چیت کرتے ہوئے معلومات فراہم فراہم کی اور کہا کہ ریاست میں لاک ڈاون کے نفاذ کے بعد اس کی خلاف ورزی کرنے کے الزام میں گزشتہ روز 53 افرادکو گرفتار کیا گیا ہے۔ اور 45 مقدمات درج کیے گئے ہیں۔

ساتھ انہوں نے یہ بھی بتایا کہ ٹریفک نظام کی خلاف ورزی کرنے کی پاداش میں بھی 416 گاڑیوں کو ضبط کیا گیا ہے، اور 11 لاکھ 34 ہزار 500 روپے جرمانے کے طور وصول کیے گئے ہیں۔

ریاست بہار میں لاک ڈاون کی خلاف ورزی کرنے پر 24 مارچ سے اب تک 180 افراد کو گرفتار کیا گیا ہے، اور 310 مقدمات درج کیے گئے ہیں، جبکہ 4 ہزار 940 گاڑیوں کو ضبط کیا گیا، خطیر مقدار میں جرمانے کی رقم وصول کی گئی ہیں۔