نینی تال جیل میں بند 52 قیدی کورونا متاثر

اتراکھنڈ کے نینی تال میں سنیچر کو کورونا کے 56 نئے معاملے سامنے آئے ہیں جن میں 52 قیدی شامل ہیں جو یہاں جیل میں بند ہیں۔

بی ڈی پانڈے ضلع اسپتال کے چیف سپرنٹنڈنٹ کے ایس دھامی نے بتایا کہ یہ نینی تال میں ایک دن میں نئے معاملات کا سب سے بڑا اعداد و شمار ہے۔ یہاں اب تک 280متاثرین کے معاملے آئے ہیں جن میں سے 125سے زیادہ لوگ اس بیماری سے ٹھیک بھی ہوچکے ہیں۔

ضلع مجسٹریٹ سوین بنسل نے بتایا کہ نینی تال جیل میں ادھم سنگھ نگر ڈسٹرکٹ کے قیدیوں کو لانے پر فی الحال پابندی لگا دی گئی ہے۔ سنگین طورپر بیمار قیدیوں کو ہلدوانی سشیلا تیواری اسپتال بھیجا جائے گا جبکہ جن کورونامتاثرہ مریضوں میں علامات نہیں ملی ہیں ان کا علاج جیل میں ہی کیا جائے گا۔ فی الحال تمام کو آئسولیٹ کرنے کا عمل شروع کردیا گیا ہے۔