آندھراپردیش: 20 لاکھ مالیت کی شراب ضبط

پولیس نے بتایا ہے کہ 'شراب کی بوتلیں پڑوسی ریاست تلنگانہ سے آندھراپردیش غیرقانونی طور پر لائی جارہی تھیں۔ اس کیس کے ایک ملزم کو ریمانڈ پر بھیج دیا گیا ہے'۔

آندھراپردیش اسپیشل انفورسمنٹ بیورو (ایس ای بی) نے آندھراپردیش کے ضلع مغربی گوداوری کے جیلوگمیلی گاؤں میں ایک گاڑی سے تقریبا 20 لاکھ روپے مالیت کی جملہ 4،275 شراب کی بوتلیں ضبط کرلی ہے۔

ایڈیشنل سپرنٹنڈنٹ پولیس کریم اللہ شریف نے بتایا کہ 'سب انسپکٹر وشوناتھم اور ان کی ٹیم جیلوگمیلی چیک پوسٹ پر گاڑی چیک کررہی تھی، اسی دوران اس شراب کا سراغ لگایا گیا ہے'۔

کریم اللہ شریف نے میڈیا نمائندوں کو بتایا ہے کہ 'ایک خاص گاڑی کی جانچ پڑتال پر 4،275 شراب کی بوتلیں پکڑی گئیں، جن میں سے 4،016 کوارٹر کی بوتلیں، 216 750 ملی لیٹر کی بوتلیں اور 43 ایک لیٹر کی بوتلیں ہیں۔

شریف نے مزید بتایا ہے کہ 'تلنگانہ میں مجموعی طور پر ضبط شدہ اشیاء کی قیمت 7.5 لاکھ اور آندھرا پردیش میں 20 لاکھ روپے ہیں'۔