بہرائچ میں نازیبا پوسٹ بھیجنے پر 4 افراد گرفتار

بہرائچ میں نازیبا پوسٹ بھیجنے پر 4 افراد گرفتار ریاست بھر میں پولیس میڈیا سیل الرٹ اور میڈیا پر سخت نگرانی جاری۔

شہریت ترمیمی قانون کے خلاف مظاہروں کے درمیان سوشل میڈیا پلیٹ فارمز پر بھی احتجاج جاری ہے اور مختلف طبقات کی جانب سے پیغامات بھیجنے کا سلسلہ جاری ہے۔

تاہم بہرائچ پولیس نے اشتعال انگیز پیغامات بھیجنے پر چار افراد کو گرفتار کرلیا ہے۔ عوام سے ضلع میں دفعہ 144 نافذ ہونے کی وجہ سے کسی بھی میڈیا پلیٹ فارم پر کوئی بھی پیغام نہ بھیجنے کی درخواست کی گئی ہے۔

پولیس نے کہا کہ اس سلسلہ میں چار افراد کو گرفتار کیا گیا ہے جن میں خورشید عالم ، رشبھ پرتاپ سنگھ ، اجئے سنگھ اور پارس گپتا شامل ہیں۔