سکما میں 36 جوان کورونا پوزیٹیو پائے گئے

چھتیس گڑھ کے سکما میں مرکزی سلامتی دستے کے 36 جوان کورونا پوزیٹیو پائے گئے ہیں۔ چھٹی سے لوٹے تمام جوانوں کو کوارنٹائن سینٹر میں رکھا گیا تھا۔

سکما کلیکٹر چندن کمارکشیپ نے بتایا کہ مختلف کوارنٹائن سینٹر میں رکھے گئے جوانوں کا ٹیسٹ کیے جانے کے بعد مرکزی سلامتی دستے کے 36 جوان کورونا پوزیٹیو پائے گئے جنھیں علاج کے لیے جگدل پور میڈیکل کالج بھیجا گیا۔ مسٹر کشیپ نے بتایا کہ اڈیشہ، آندھراپردیش، تیلنگانہ کی سرحدیں سیل کی گئی ہیں۔

سکما میں 36 جوان کورونا پوزیٹیو پائے گئے

ضروری خدمات کے سوا دیگر گاڑیوں کے داخلے پر پابندی عائد کی گئی ہے۔ اس کے ساتھ ہی باہری افراد کا ضلع میں داخلہ ممنوع ہے۔ادھر ضلع بیجا پور میں کوارنٹائن سینٹر میں رکھے گئے ایک جوان کو سانپ کاٹنے کے بعد سنگین حالت میں ہیلی کاپٹر سے رائے پور پہنچایا گیا۔

بیجا پور پولیس افسر کملوچن کشیپ نے بتایا کہ مرکزی سلامتی داستے کا 229 بٹالین کا جوان ارجن کمار جو حال ہی میں چھٹی سے لوٹا تھا مہادیو گھاٹ واقع کوارنٹائن سینٹر میں رکھا گیا تھا۔ گذشتہ رات زہریلے سانپ کے کاٹنے کے بعد اس کی حالت سنگین ہو گئی۔ اسے بہتر علاج کے لی رائے پور روانہ کیا گیا ہے۔