اورنگ آباد: ہرسول سینٹرل جیل میں 29 انڈر ٹرائل قیدی کورونا پوزیٹیو

اورنگ آباد کے ہرسول سینٹرل جیل میں اس وقت کہرام مچ گیا، جب 29 انڈر ٹرائل قیدیوں کے کورونا میں مبتلا ہونے کی تصدیق ہوئی۔ اسٹیٹ جیل اتھارٹی کے انسپکٹر جنرل دلیپ جھاڑکے نے قیدیوں کے کورونا متاثر ہونے کی تصدیق کی۔

ہرسول جیل کے جیلر ہیرالال جادھو نے بھی قیدیوں کے متاثرہ ہونے کا اعتراف کیا لیکن کیمرے کے سامنے کچھ کہنے سے انکار کیا۔

جیل کے قیدیوں کے متاثرہ ہونے سے جیل حکام میں کھلبلی مچ گئی۔

جیل کے ملازمین نے سپرنٹنڈنٹ پر حقائق کی پردہ پوشی کا الزام عائد کیا۔

قیدیوں میں کورونا کی تصدیق کے بعد جیل ملازمین کے رشتہ داروں میں تشویش کی لہر ہے۔

متاثرہ قیدیوں کو شہر کے ایس بی اسکول میں منتقل کیا جائے گا۔

ہرسول سینٹرل جیل میں 550 قیدیوں کی جگہ ہیں لیکن 1800 قیدی جیل میں موجود ہیں۔