کیرالہ سے 268 غیر ملکی سیاح لندن روانہ

کورونا وائرس کی وبا کے پیش نظر جاری ملک گیر لاک ڈاؤن کی وجہ سے جنوبی بھارت میں پھنسے 268 غیر سیاحوں کو نکالنے کے لئے بدھ کی شام کیرالہ سے برطانیہ کے لیے پرواز بھری گئی۔

ریاستی دارالحکومت تروننتپورم ایئر پورٹ سے برٹش ایئرویز کا کا طیارہ 268 یوروپین سیاحوں کو لے کر لندن کے لیے روانہ ہوا، شام کے سات بج کر تیس منٹ پر یہ طیارہ کوچی ایئر پورٹ پر رک کر وہاں سے 158 مسافروں سوار کیا اور پھر لندن کے لیے روانہ ہو گیا۔

لندن کے لیے روانہ ہوئے ان مسافروں میں سات افراد ایسے بھی شامل ہیں جو کورونا کے مریض تھے، اس دوران کوچی میں ان کا کامیاب علاج ہوا اور وہ صھت یاب ہو گئے، وہ 19 برطانوی شہریوں کے ایک گروپ کا حصہ تھے۔

لاک ڈاون کے بعد کیرالہ میں پھنسے ہوئے مسافروں کو یورپ لے جانے کے لئے یہ تیسرا طیارہ بھیجا گیا گیا ہے، اس سے پہلے 31 مارچ کو ایئر انڈیا کا طیارہ 232 مسافروں کو لے کر جرمنی کے لیے روانہ ہوا تھا، اور اس کے چار دن بعد 112 پر مشتمل دوسرا طیارہ فرانس کے لیے روانہ ہوا تھا۔

بدھ کے روز ہونے والی پرواز میں آسٹریا، کینیڈا، پرتگال، آئرلینڈ، لتھوانیا کے کچھ سیاح بھی شامل ہیں۔