اروناچل پردیش میں سیلاب، دو افراد ہلاک

اروناچل پردیش میں لیپا راڈا ضلع کے دری سرکل میں شدید بارش کی وجہ سے سیلاب کی صورتحال پیدا ہوگئی ہے، جس میں دو افراد کے ہلاک ہونے کی خبر ہے۔

اروناچل پردیش میں موسلا دھار بارش کے سبب متعدد اضلاع میں سیلاب آگیا ہے۔ جس میں دو لوگوں کی موت ہوگئی ہے۔

حکام کا کہنا ہے کہ سیلاب کی وجہ سے ایک اہم پل ٹوٹ گیا ہے اور کئی علاقوں میں سیلاب جیسا صورت حال پیدا ہو گیا۔

مغربی سیانگ اور مشرقی سیانگ جیسے کئی اضلاع میں کھیتی کی فصلیں ڈوب گئیں اور لینڈ سلائیڈنگ ہوئی۔

وہیں لیپا راڈا ضلع میں ایک ندی میں دو افراد بہہ گئے ہیں۔

ایک سرکاری رپورٹ میں کہا گیا ہے کہ جون کے بعد سے بارش سے متعلقہ واقعات اور لینڈ سلائیڈنگ میں 12 افراد ہلاک ہوگئے ہیں۔ ادھر وزیر اعلی پیما کھانڈو کورونا وائرس سے متاثر ہوگئے تھے۔

فی الحال وہ نئی دہلی میں رہائش گاہ میں الگ رہ رہے ہیں۔ انہوں نے سیلاب سے جانی و مالی نقصان پر افسوس کا اظہار کرتے ہوئے کہا کہ وہ متاثرہ اضلاع میں امداد فراہم کرنے کے لئے انتظامیہ سے مستقل رابطے میں ہیں۔