اس مارچ میں کثیر تعداد میں غیر مسلم مرد و خواتین نے بھی حصہ لیا اور 'این آر سی'، 'سی اے اے' اور 'این پی آر ' کے خلاف مسلمانوں کی تائید اور دستور کی بحالی کا مطالبہ کیا
برقعہ پوش خواتین اور ٹوپی داڑھی اور کرتا پاجامہ میں ملبوس ہزاروں حفاظ و علماء بھی قومی پرچم ترنگا اپنے ہاتھوں میں تھامے اس مارچ میں شریک ہوئے اس دوران مظاہرین نے کہا کہ "ہمارے اجداد نے اس ملک کے لئے اپنی جانیں قربان کیں موقع آنے پر ہم بھی اس سے گریز نہیں کریں گے''۔
'سی اے اے'، 'این آر سی' اور 'این پی آر ' کے خلاف احتجاج میں شامل مظاہرین نے 'وزیر اعظم اور وزیر داخلہ سے آر ایس ایس کے ایجنڈا پر عمل آوری کے بجائے ملک کی ابتر معاشی صورتحال کو سنبھالنے اور بے روزگاری، بھوک مری سے نمٹنے کے لیے اقدامات کرنے کا مطالبہ کیا'۔
جبکہ مظاہرے میں شامل رہنماؤں نے عوام سے 'سی اے اے'،'این آر سی'، اور 'این پی آڑ' کا متحدہ طور پر بائکاٹ کرنے کی اپیل کی، اور کہا کہ اس ضمن میں بھارت کی سیکولر عوام اس تفریق پیدا کرنے والے قانون کی مخالفت کریں اور اس کے لوازمات کی خانہ پری نہ کریں، قومی ترانہ 'جن من گن' سے مارچ کا اختتام ہوا۔
اس مارچ کی خاص بات یہ ہے ہزاروں کی تعداد میں حیدرآباد اور اس کے مضافات کے افراد نے شرکت کی اور یہ مارچ مکمل طور پر امن رہا، ملین مارچ کے بعد کنوینر جوائنٹ ایکشن کمیٹی مشتاق ملک اور کو کنوینر امجد اللہ خان نے مارچ کو کامیاب بنانے کے لئے عوام کا شکریہ ادا کیا۔
