بنگلہ دیش فوج کا دستہ بھی یوم جمہوریہ کی پریڈ میں شامل

72 ویں یوم جمہوریہ کی پریڈ میں اس بار بنگلہ دیش کی تینوں فوجوں کے 122 جوانوں کا دستہ بھی شامل کیا گیا ہے۔

بنگلہ دیش فوج کے دستے میں جوان اور بینڈ دونوں شامل تھے۔ یہ دوسرا موقع ہے جب کسی غیر ملکی فوج کا دستہ راج پتھ پر قدم تال کرتا نظر آ رہا ہے۔ اس سے قبل سنہ 2016 میں فرانس کے فوجی دستے نے پریڈ کی شان بڑھائی تھی۔

ملک کے 72 ویں یوم جمہوریہ کے موقع پر راج پتھ پر منعقد پریڈ پر بھی اس بار کووڈ کا سایہ نظر آیا اور یہ پریڈ لال قلعہ کی بجائے نیشنل اسٹیڈیم پر ہی ختم ہوجائے گی نیز کئی روایتی کشش کے حامل دستے بھی پریڈ سے غیر حاضر رہے۔

بشکریہ ٹویٹر

کووڈ 19 کی وجہ سے سماجی دوری کو دھیان میں رکھتے ہوئے پریڈ میں حصہ لینے والے مارچنگ دستوں کا سائز بھی چھوٹا کیا گیا جبکہ ریٹائرڈ فوجیوں کا دستہ پریڈ میں تھا ہی نہیں۔ اس کے علاوہ موٹرسائیکل پر حیرت انگیز کرتب دکھانے والا دستہ بھی نہیں تھا۔