اترپردیش میں دوسرے مرحلے کی Second phase voting in Uttar Pradesh پچپن اسمبلی سیٹوں کے لیے انتخابی مہم کا شور آج ختم ہوگیا۔ اتراکھنڈ اور گوا میں فیز ون اسمبلی انتخابات کی مہم کا آج آخری دن تھا۔ شام پانچ بجے ان دونوں ریاستوں میں انتخابی مہم کا شور بھی تھم گیا۔
واضح رہے کہ یوپی میں 7 مراحل پر مشتمل اسمبلی انتخابات کے پہلے مرحلے میں 58 سیٹوں پر 10 فروری کو ووٹنگ ہو چکی ہے، جب کہ دوسرے مرحلے کے تحت 55 سیٹوں کے لیے 14 فروری کو ووٹ ڈالے جائیں گے۔
وہیں اتراکھنڈ کی 70 اور گوا کی 40 اسمبلی سیٹوں کے لیے ایک ہی مرحلے میں 14 فروری کو ووٹ ڈالے جائیں گے۔
انتخابی مہم کے آخری دن مختلف سیاسی جماعتوں کے رہنماؤں کی جانب سے ہفتہ کو اتر پردیش کی 55، اتراکھنڈ کی 70 اور گوا کی 40 نشستوں کے لیے انتخابی مہم چلائی گئی۔
وہیں اترپردیش کے وزیر اعلیٰ یوگی آدتیہ ناتھ نے انتخابی مہم کے آخری دن یوپی سمیت اتراکھنڈ میں زور دیا۔
سماج وادی پارٹی کے قومی صدر اکھلیش یادو نے بھی یوپی میں دوسرے مرحلے کے انتخابات کو لے کر آخری دن خوب تشہیر کی۔ پرینکا گاندھی نے اتراکھنڈ میں مختلف اسمبلی سیٹوں پر انتخابی مہم کے آخری دن پارٹی کے امیدواروں کی حمایت میں ووٹوں کی اپیل کی۔
اتر پردیش میں دوسرے مرحلے کے تحت 14 فروری کو 9 اضلاع کی کل 55 اسمبلی سیٹوں کے لیے ووٹنگ ہوگی۔ لیکن ووٹنگ کے اس دوسرے مرحلے میں اتر پردیش کے کئی سابق فوجیوں کی ساکھ داؤ پر لگی ہوئی ہے۔ ایک طرف جہاں یوگی حکومت میں وزیر سریش کھنہ ہیں وہیں گلابو دیوی اور بلدیو سنگھ اولکھ میدان میں ہیں۔ دوسری طرف اعظم خان، سابق وزیر دھرم پال سنگھ سینی، کمال اختر اور محبوب علی جیسے سماج وادی پارٹی کے مضبوط لیڈر ہیں۔ جن کی قسمت کا فیصلہ 14 تاریخ کو ہونا ہے۔
