ہفتے کو شروع ہونے والے ایشیا کپ میں بالآخر وہ وقت آہی گیا ہے جس کا پوری دنیا بالخصوص ایشیا کے کروڑوں شائقین بے صبری سے انتظار کر رہے ہیں۔ ایشیا کپ 2022 کے میگا مقابلے میں بھارت نے پاکستان کے خلاف ٹاس جیت کر پہلے گیندبازی کا فیصلہ کیا۔ ٹاس کے واقت بابر اعظم نے کہا کہ ہم بھی پہلے بولنگ کرتے لیکن یہ ہمارے اختیار میں نہیں ہے۔ ہم بڑا اسکور بنانے کی کوشش کریں گے۔ وہیں روہت شرما نے کہا کہ سچ کہوں تو مجھے نہیں لگتا کہ ٹاس اتنا اہم ہے، ہم یہاں صرف اچھی کرکٹ کھیلنے آئے ہیں۔ ہم یہاں آئی پی ایل میں کھیل چکے ہیں، اس لیے امید ہے کہ پچ اچھی ہوگی۔ Asia Cup 2022
گزشتہ سال ٹی ٹوئنٹی ورلڈ کپ میں ایک دوسرے کے خلاف کھیلنے کے بعد اب سے کچھ ہی دیر میں روایتی حریف بھارت اور پاکستان دبئی کے دبئی انٹرنیشنل کرکٹ اسٹیڈیم میں آمنے سامنے ہونے والے ہیں۔ سب جانتے ہیں کہ گزشتہ سال ٹی ٹوئنٹی ورلڈ کپ میں پاکستان نے بھارت کو دس وکٹوں سے شکست دی تھی۔ اس شکست کے بعد جہاں ٹیم انڈیا کے رویہ، ٹیم کلیور اور اپروچ میں کافی تبدیلی آئی ہے۔Asia Cup 2022