JDS Remembers Ulema and Hijab: انتخابات آتے ہی جے ڈی ایس کو یاد آئے علماء اور حجاب کا مسئلہ

چار ریاستوں کے اسمبلی انتخابات میں بی جے پی کی شاندار کامیابی اور پوری پانچوں ریاستوں میں کانگریس کی بری طرح سے شکست ہوئی ہے، جس کا اثر کرناٹک میں بھی دیکھا جارہا ہے۔

ایک طرف کرناٹک کانگریس بیک فٹ پر نظر آرہی ہے تو دوسری جانب علاقائی پارٹی جے ڈی ایس کے حوصلے بلند نظر آرہے ہیں۔

اس سلسلے میں جے ڈی ایس پارٹی کے صدر و سابق وزیر اعلیٰ کمار سوامی نے دار العلوم سبیل الرشاد کا دروازہ کھٹکھٹایا اور عمارت شریعہ کے ارکان سے ملاقات کی۔ JDS Party President and Former Chief Minister Kumaraswamy

انتخابات آتے ہی جے ڈی ایس کو یاد آئے علماء اور حجاب کا مسئلہ

حالانکہ حجاب کا مسئلہ تقریباً 3 مہینوں سے چل رہا ہے، جس کے دوران مسلم طالبات کو اسکولوں و کالجوں کے انتظامیہ کی جانب سے ہراساں کیا گیا اور حجاب پہننے پر انہیں امتحانات سے روکا گیا لیکن سابق وزیر اعلیٰ اور جے ڈی ایس لیڈر کمارا سوامی نے حجاب کے تعلق سے کوئی واضح موقف اختیار نہیں کیا۔

حجاب کے مسئلے کو غیر اہم و غیر ضروری کہنے والے جے ڈی ایس لیڈر کمارا سوامی کو پانچ ریاستوں کے انتخابی نتائج جن میں کانگریس کی شکست ہوئی اور کرناٹک اسمبلی انتخابات کے قریب آنے پر علماء اور حجاب مسئلے کی یاد آئی ہے اور وہ دارالعلوم سبیل الرشاد پہونچے اور علماء کو یقین دلایا کہ وہ اب حجاب کے لئے آواز اٹھائیں گے۔

انتخابات آتے ہی جے ڈی ایس کو یاد آئے علماء اور حجاب کا مسئلہ

اس سلسلے میں جے ڈی ایس پارٹی کے سینیئر وائس پریسیڈنٹ سید شفیع اللہ نے کہا کہ ملک کی شمالی و جنوبی ریاستوں کی طرح علاقائی پارٹی ہی مقامی مسائل کو بہتر سمجھ سکتی ہے۔