نئی دہلی: دہلی کے وزیر اعلی اروند کیجریوال کانگریس لیڈر راہل گاندھی کو سورت کی عدالت کی طرف سے ہتک عزت کے مقدمے میں دو سال کی سزا سنائے جانے کے بعد ان کی حمایت میں آگے آئے ہیں۔ کیجریوال نے ٹویٹ کر کے اس فیصلے پر اختلاف ظاہر کیا ہے۔ انہوں نے اسے اپوزیشن جماعتوں کو ختم کرنے کی سازش قرار دیا۔ وزیر اعلیٰ اروند کیجریوال نے ٹوئٹر پر لکھا ہے کہ غیر بی جے پی لیڈروں اور پارٹیوں پر مقدمہ چلا کر انہیں ختم کرنے کی سازش کی جا رہی ہے۔ کانگریس سے ہمارے اختلافات ہیں، لیکن راہل گاندھی کو اس طرح کے ہتک عزت کے کیس میں پھنسانا درست نہیں ہے۔ عوام اور اپوزیشن کا کام سوال کرنا ہے۔ ہم عدالت کا احترام کرتے ہیں لیکن اس فیصلے سے اختلاف کرتے ہیں۔
عاپ نے مودی ہٹاو دیش بچاؤ مہم شروع کی: آج عام آدمی پارٹی نے جنتر منتر پر مودی ہٹاو دیش بچاؤ مہم شروع کی ہے۔ جمعرات کو جب دہلی بی جے پی نے کیجریوال ہٹاؤ دہلی بچاؤ جیسے پوسٹر لگائے تو وزیر اعلیٰ اروند کیجریوال نے اس پر ردعمل ظاہر کرتے ہوئے کہا کہ مجھے اس پر کوئی اعتراض نہیں ہے۔ جمہوریت میں عوام کو اپنے لیڈر کے حق میں یا خلاف اپنے خیالات کا اظہار کرنے کا پورا حق ہے۔ انہوں نے پولیس سے مطالبہ کیا کہ ان کے خلاف پوسٹر لگانے والوں کو گرفتار نہ کیا جائے۔