جاوید 6 روزہ ٹرانزٹ ریمانڈ پر

عسکریت پسند تنظیموں کو اسلحہ کی فراہمی کے سلسلے میں گرفتار محمد جاوید کو این آئی اے نے پٹنہ کی خصوصی عدالت میں پیش کیا۔ جہاں سے جاوید کو جموں پولیس کی خصوصی ٹیم اپنے ساتھ لے گئی ہے۔

بہار کے چھپرا سے گرفتار محمد جاوید کو این آئی اے نے پٹنہ کی خصوصی عدالت میں پیش کیا۔ عدالت نے جاوید کو 6 دن کے ٹرانزٹ ریمانڈ پر بھیج دیا ہے۔ عدالت سے اجازت ملنے کے بعد این آئی اے نے جاوید کو جموں پولیس کے حوالے کردیا ہے۔ در اثناء جاوید کو جموں میں عسکریت پسند تنظیموں کو اسلحہ کی فراہمی کے الزام میں گرفتار کیا گیا ۔

جموں پولیس کی ایک خصوصی ٹیم جاوید کو اپنے ساتھ لے گئی ہے۔ پولیس اب جاوید سے پوچھ گچھ کرے گی اور کیس کی چھان بین کرے گی۔ جاوید کو جموں میں گرفتار ایک ملزم کی نشاندہی پر بہار کے چھپرا سے گرفتار کیا گیا تھا۔

جاوید پر الزام ہے کہ اس نے جموں سے گرفتار ایک ملزم کو 7 پستول دیئے تھے۔ یہ پستول وادی کے عسکریت پسندوں تک پہنچائی گئی تھی۔

واضح رہے کہ جاوید ضلع سرن کے مادھورا کا رہائشی ہے۔ تاہم اس سے قبل اسی کیس میں جاوید کے چھوٹے بھائی مشتاق عالم کو پنجاب کے موہالی سے گرفتار کیا گیا تھا۔