فوج کی جانب سے سوپور میں فٹ بال ٹورنامنٹ کا انعقاد

مقامی لوگوں نے فوج کی اس پہل کی سراہنا کرتے ہوئے امید ظاہر کی کہ آنے والے وقت میں مزید ایسے کھیل کود کے ٹورنامنٹس کا انعقاد عمل میں لایا جائے گا۔

شمالی کشمیر کے ضلع بارہمولہ کے سوپور میں فوج کی جانب سے نوجوانوں کے لئے ایک فٹ بال ٹورنامنٹ کا اہتمام کیا گیا جس میں سوپور اور اس کے دیگر علاقوں سے تعلق رکھنے والے کھلاڑیوں نے شرکت کی۔

اس فٹ بال ٹورنامنٹ کا مقصد یہ ہے کہ زیادہ سے زیادہ نوجوان کھیل کود کی طرف مائل ہو تاکہ وہ غلط کاموں سے دور رہے۔

مقامی لوگوں نے فوج کی اس پہل کی سراہنا کرتے ہوئے بتایا کہ امید ہے کہ آنے والے وقت میں مزید ایسے کھیل کود کے ٹورنامنٹس کا انعقاد عمل میں لایا جائے گا۔

اس موقع پر ذرائع ابلاغ کے ساتھ بات کرتے ہوئے فوج کے ایک افسر نے بتایا کہ گذشتہ دو سال سے کورونا وائرس کے سبب اسکول اور کالج بند ہیں جس کی وجہ سے نوجوان گھروں میں محصور ہو گئے ہیں۔

اسی تناظر میں فوج نے فیصلہ لیا کہ ان نوجوانوں کے لئے اس فٹ بال ٹورنامنٹ کا آغاز کیا جائے۔انہوں نے کہا کہ ائندہ بھی اس طرح کے کھیل مقابلے منعقد کئے جائیں گے۔