بجبہاڑہ میں فوج نے تلاشی کارروائی شروع کر دی

سیکیورٹی فورسز کو اطلاع ملی ہے کہ عیدگاہ علاقہ میں عسکریت پسند موجود ہیں جس کے بعد سرچ آپریشن شروع کیا گیا۔

جنوبی کشمیر کے ضلع اننت ناگ کے حلقہ انتخاب بجبہاڑہ کے عیدگاہ میں فوج اور پولیس کی جانب سے تلاشی کارروائی شروع کی گئی ہے۔۔

تفصیلات کے مطابق عیدگاہ بجبہاڑہ میں فوج کو عسکریت پسندوں کے چھپے ہونے کی ایک اطلاع موصول ہوئی ہے، جس کے فوراً بعد فوج، پولیس اور ایس او جی نے عیدگاہ بجبہارہ علاقہ کا محاصرہ شروع کیا ہے۔ اس دوران گھر گھر تلاشی لی جارہی تھی۔

تمام داخلی اور خارجی راستوں کو بند کر دیا گیا ہے اور آنے جانے والوں کی تلاشی کی جا رہی ہے۔