Anti-conversion bill passed کرناٹک قانون ساز اسمبلی میں تبدیلی مذہب مخالف بل منظور

کرناٹک حکومت گشتہ کئی روز سے ریاست میں تبدیلی مذہب مخالف قانون نافذ کرنا چاہتی تھی، جس کے لئے اس نے کرناٹک قانون ساز اسمبلی میں اس بل کو منظور کر لیا۔ گزشتہ ہفتے اس بل کو قانون ساز کونسل نے معمولی ترامیم کے ساتھ منظور کیا تھا۔Anti-conversion bill passed

بنگلورو: کرناٹک قانون ساز اسمبلی نے بدھ کے روز تبدیلی مذہب مخالف بل کو منظور کر لیا ہے، جسے قانون ساز کونسل نے گزشتہ ہفتے معمولی ترامیم کے ساتھ منظور کیا تھا، جس میں اس بل کو نافذ کرنے کے لیے موجود آرڈیننس کو تبدیل کرنے کی کوشش کی گئی تھی۔ اس سے قبل گزشتہ دسمبر میں قانون ساز اسمبلی نے کرناٹک پروٹیکشن آف رائٹ ٹو فریڈم آف ریلجن بل کو منظور کیا تھا، چونکہ یہ بل قانون ساز کونسل میں پاس ہونے کے لیے زیر التوا تھا، جہاں حکمران بی جے پی کے پاس اس وقت اکثریت نہیں تھی، اس کے بعد حکومت نے اس بل کو نافذ کرنے کے لیے رواں سال مئی میں ایک آرڈیننس جاری کیا تھا۔ آخر کار قانون ساز کونسل نے اس بل کو 15 ستمبر کو منظور کر لیا۔Anti-conversion bill passed in Karnataka assembly

ریاستی وزیر داخلہ آراگا جانیندر نے بدھ کے روز کرناٹک پروٹیکشن آف رائٹ ٹو فریڈم آف ریلیجن بل 2022 کو اس پر نظر ثانی اور منظوری کے لیے پیش کیا۔ انہوں نے کہا کہ "یہ بل بیلگاوی اجلاس (دسمبر میں) کے دوران اسمبلی سے منظور کیا گیا تھا، یہ کونسل میں زیر التوا تھا، اس لیے ایک آرڈیننس جاری کیا گیا، اس آرڈیننس کو تبدیل کرنے کے لیے یہ بل ایک معمولی ترمیم کے ساتھ پیش کیا جا رہا ہے کہ یہ قانون 17 مئی 2022 سے نافذ العمل ہو گا۔ بل کونسل میں ترمیم کے ساتھ منظور ہونے کے بعد دوبارہ اسمبلی میں آ گیا ہے۔گورنر کی منظوری کے بعد یہ قانون 17 مئی 2022 سے نافذ ہو جائے گا، جس تاریخ کو یہ آرڈیننس جاری کیا گیا تھا۔

آپ کو بتادیں کہ بل میں رغبت، زبردستی، دھوکہ دہی اور بڑے پیمانے پر تبدیلی کو غیر قانونی قرار دیا گیا ہے۔ اس میں زبردستی تبدیلی مذہب کرانے پر تین سال سے پانچ سال قید اور 25 ہزار روپے جرمانے کی سزا تجویز کی گئی ہے۔ اس بل میں نابالغ، خواتین، ایس سی اور ایس ٹی کے مذہب کی تبدیلی پر تین سے 10 سال تک کی قید اور 50 ہزار روپے جرمانے کی تجویز ہے۔ دوسری جانب اجتماعی تبدیلی پر تین سے 10 سال قید اور ایک لاکھ روپے جرمانے کی سزا ہے۔

بل میں یہ حکم دیا گیا ہے کہ جو لوگ کسی دوسرے مذہب میں تبدیل ہونا چاہتے ہیں وہ کم از کم 30 دن پہلے ایک مقررہ فارمیٹ میں ڈسٹرکٹ مجسٹریٹ یا ایڈیشنل ڈسٹرکٹ مجسٹریٹ کو اپنے رہائشی ضلع یا جگہ کے بارے میں خصوصی طور پر ضلع مجسٹریٹ کے ذریعہ اختیار کردہ ایک اعلامیہ دیں۔ جو شخص مذہب تبدیل کرنا چاہتا ہے وہ اپنے اصل مذہب اور اس سے منسلک سہولیات یا فوائد بشمول تحفظات سے محروم ہو جائے گا۔ گورنر کی منظوری کے بعد یہ قانون 17 مئی 2022 سے نافذ ہو جائے گا، جس تاریخ کو یہ آرڈیننس جاری کیا گیا تھا۔