Haj Committee of India Announces: حج 2022 کیلئے فارم داخل کرنے کی تاریخ میں توسیع

حج 2022 کے لیے فارم جمع کرنے کی آخری تاریخ 31 جنوری مقرر کی گئی تھی، جس میں آج حج کمیٹی آف انڈیا Haj Committee of India کی جانب سے جاری نوٹیفیکشن میں مزید 15 فروری تک توسیع کیا گیا ہے۔

حج 2022 کے لیے درخواست جمع کرنے کی تاریخ 15 فروری 2022 کردی گئی ہے۔ دہلی اسٹیٹ حج کمیٹی Delhi State Haj Committee کے چیئرمین مختار احمد نے اس تعلق سے بتایا کہ اب حج فارم جمع کرنے کی مدت میں توسیع کے ساتھ ہی درخواست گزار عازمین کے پاس 15 فروری تک کی تاریخ کا جاری کیا ہوا مشین ریڈیبل پاسپورٹ Machine-Readable Passportکا ہونا لازمی ہے۔ جبکہ پاسپورٹ کے قابل قبول ہونے کی میعاد حسب دستور 31 دسمبر 2022 ہی رہے گی۔

واضح رہے کے پہلے حج درخواست فارم جمع کرنے کی آخری تاریخ 31 جنوری مقرر کی گئی تھی جس میں آج حج کمیٹی آف انڈیا سے جاری نوٹیفیکشن کے مطابق 15 فروری تک توسیع عمل میں لائی گئی ہے۔ڈیلی اسٹیٹ حج کمیٹی Delhi State Haj Committee کے چیئرمین مختار احمد کے مطابق حج کمیٹی کی جانب سے حج منزل ترکمان گیٹ آصف علی روڈ نئی دہلی پر درخواست گزار عازمین کے لیے آن لائن فارم بھرنے اور جمع کرنے اور اس سلسلے میں مہیا سہولیات بدستور جاری رہیں گی۔

ای ٹی وی بھارت سے دہلی اسٹیٹ حج کمیٹی کے نائب افسر تعمیل محسن علی نے بتایا کہ آج ہی ممبئی سے ان کے پاس درخواستوں کی تاریخ میں توسیع کا نوٹیفیکشن آیا ہے۔ انہوں نے بتایا کہ اب تک 13 سو سے زائد عازمین حج دہلی سے درخواست دے چکے ہیں اور امید ہے کہ آئندہ 15 دنوں میں اس میں مزید اضافہ ہوگا۔