اننت ناگ: آتشزدگی میں گھر جل کر تباہ

مقامی عوام نے فائر عملہ کو اطلاع دی جس کے بعد عملہ نے موقع پر پہنچ کر آگ کو دوسرے گھروں میں پھیلنے سے روکا۔

ضلع اننت ناگ میں اقبال آباد کے پی روڈ پر واقع ایک رہائشی مکان میں آتشزدگی کا واقعہ پیش آیا، جس میں مکان جل کر تباہ ہو گیا۔

تفصیلات کے مطابق آج بعد دوپہر اقبال آباد کے پی روڈ پر گلزار احمد پیر کے گھر میں آج اچانک آگ لگ گئی۔ دیکھتے ہی دیکھتے یہ آگ پورے گھر میں پھیل گئی اور سارا سامان جل کر خاکستر ہو گیا۔

وہیں، مقامی لوگوں نے فائر عملہ کو اطلاع دی جس کے بعد فائر عملہ نے موقع پر پہنچ کر آگ کو دوسرے گھروں میں پھیلنے سے روکا۔

خدشہ ظاہر کیا جارہا ہے کہ یہ آگ بجلی کے شارٹ سرکٹ کی وجہ سے لگی تھی۔

وہیں، پولیس نے اس سلسلے میں معاملہ درج کر لیا ہے۔