میٹنگ میں سرکاری میڈیکل کالج اننت ناگ کے پرنسپل کووڈ ہسپتالوں اور مراکز کے ایڈمنسٹریٹرز ، نوڈل افسران، پی ڈی ڈی ،جل شکتی، مکینیکل انجینئرنگ، اور آکسیجن سپلائی سے وابستہ حکام و دیگر کئی محکموں کے افسران موجود رہے۔
ڈی سی نے جی ایم سی اور دیگر کووڈ اسپتالوں کے لئے آکسیجن آڈٹ کمیٹیوں کی تشکیل کی ہدایت دی تاکہ آکسیجن کی طلب اور رسد کی نگرانی کی جائے۔
کووڈ مراکز میں تمام بنیادی سہولیات کی فراہمی پر زور دیتے ہوئے ڈاکٹر پیوش سنگلا نے متعلقہ افسران کو ہدایت دی کہ وہ وہاں بیک اپ کیلئے جنریٹر تیار رکھیں تاکہ بلا خلل اور معقول بجلی کی فراہمی کو یقینی بنایا جائے۔ انہوں نے کووڈ ہسپتالوں اور مراکز کی صفائی اور سینٹائزیشن کے بارے میں بھی تاکید کی۔
کورونا وائرس وبائی مرض سے نمٹنے کے لئے محکمہ صحت کی کوششوں کی ستائش کرتے ہوئے ڈاکٹر سنگلا نے افسران پر زور دیا کہ وہ کسی بھی صورتحال سے نمٹنے کے لئے مزید اقدامات اٹھائیں
ڈی سی نے افسران کو ضلعی انتظامیہ کی جانب سے وبائی امراض سے پیدا شدہ صورتحال سے نمٹنے کے لئے مکمل تعاون کی یقین دہانی کرائی۔